Былыр былыргыттан ханнык баҕарар омук эр киhини өрө тутар. Саха ыалыгар уол оҕо төрөөhүңэ үөрүүлээх түгэнинэн ааҕыллара. Күн сирин көмүскүүр ыччаттанныбыт, айыы сирин араңаччылыыр киhилэннибит, - дииллэрэ. Уол оҕону иитэр өбүгэ үтүө үгэстэрэ, үөрүйэхтэрэ, сатабыллара кини олоххо тапталы кэрэhэлиир уонна итилэр үгүс өрүттэрэ биhиги кэммитигэр тиийэ кэлбиттэр. Ол иhин уол оҕону иитиигэ норуот педагогикатыгар хайыhыы аныгы олох ирдэбилэ буолла. Бу үгэстэр улахан өйөбүлү эрэйэллэр уонна уол оҕону иитиигэ-үөрэтиигэ сүрүн хайысханы ылаллар. Ол курдук Өкүндү нэhилиэгэр олунньу 26 күнүгэр уолаттарга аналаах «Үрүң Уолан» күрэхтэhии буолан ааста. Биhиги  оскуолабытыттан 8 кылаас үөрэнээччитэ Куланов Евгений, 10 кылаас үөрэнээччитэ Потапов Леонид кытыннылар. Биhиги уолаттарбыт хас да көрүңңэ кытыннылар:

• Сыалы табыы;

• Солондолооьун;

• Наартаны ойуу;

• Таабырыны таайыы;

• Халбас хара атын мини;

• Тутум эргиир;

• Ойбонтон уулааьын;

• Хапса5ай.  

          Бүлүү улууhун оскуолаларыттан күүстээх хоодуоттар киэн көрсүбүттэрин түмүгэр биhиги уолбут, Потапов Леонид, 2 миэстэ5э та5ыста.             Билигин да биhиги аттыбытыгар Ньургун Боотурдар бааллар эбит.